To(m)cat

"Des, itu geura tingali aya TOMCAT!"
"Jorang siah ngomong teh!" Sekdes nyentak.
"Sia nu otakna kudu dibebeskeun ka mesin cuci! Ngeres pisan pikiran teh, nya," Tukang Padung malik nyorongot.
"Lah, da sieun ku tomcat teh kumeh aya M-an!" ceuk Sekdes bari nginum susu murni.

Ngopepang

Sekdes numpak beca ti statsion rek ka alun-alun. Lebah pasar jalan teh rada dukdek da loba jelema anu lalar liwat. Beca anu ditumpakan Sekdes nubruk awewe anu keur leumpang. Tapi sial anu karandapan ku Sekdes sabab sapada harita eta awewe jol ngagampleng nyabok pipi kenca Sekdes.

Sekdes: "Kunaon ari nyai jol nyabok abdi, da abdi mah nuju calik. Tuh, tukang beca anu salah mah."
Awewe: "Kokod akang tah kurang ajar ngarames bujur aing...!"

Tukang beca ngan pati olohok.

** Kintunan Kang Wira Hidayat (Baraya Banyolan Sunda)

Sing Sabar

Geus saminggu pamajikan Sekdes beres ngajuru.

"Des, sing inget hirup mah: kadang ngulapes, kadang heuras. Kadang di handap, kadang di luhur. Kadang leutik, kadang gede. Kadang di jero, kadang di luar. Kadang baseuh, kadang garing. Kadang murungkut, kadang beukah! Sing sabar we nya, Des! Yeuh...kuring mah ngan bisa mere ieu sakardus," Tukang Portal ngabeberah hate Sekdes nu keur kusut.
"Naha Kang, piwuruk teh asa malem Jumaah pisan? Namung, hatur nuhun pisan Kang!" Sekdes langsung nyegruk, tuluy ngabecir mamanggul Indomie sadus.